Skip to main content

Dr.இராதாகிருஷ்ணன் - com ஸ்டாலின் சந்திப்பு

 

சோவியத்தில் தூதராக இருந்த சர்வபள்ளி டாக்டர் இராதாகிருஷ்ணன் - சோவியத் தலைவர் ஜெனரலிசிமோ ஸ்டாலின் சந்திப்பு

டாக்டர் இராதாகிருஷ்ணனும் தோழர் ஸ்டாலினும்  ஏப்ரல் 5, 1952ல் சந்தித்து அளவளாவியது அப்போது Top Secret என வகைப்பட்டு இருந்தது. இப்போது டிஜிட்டல் கிடங்கு ஆவணமாக கிடைக்கிறது.




ஸ்டாலின் தன்னை சந்திக்க அனுமதியளித்தற்கு இராதகிருஷ்ணன் நன்றி சொல்கிறார். அவர் விடைபெறும் தருணத்தில் குறுகிய கால அவகாசத்திலேயே இந்த சந்திப்பிற்கான வாய்ப்பு அமைந்தது. ஸ்டாலின் எப்போது கிளம்புகிறீர்கள் எனக் கேட்கிறார்.

வருகிற ஏப்ரல் 8 செவ்வாய் அன்று கிளம்புகிறேன் என இராதாகிருஷ்ணன் பதில் தருகிறார். தூதராக 21/2 ஆண்டுகள் மாஸ்கோவில் இருந்தது பயனுள்ளதாக அமைந்தது. வெளியுறவு அமைச்சர் அவரது துறையினர் உதவிகரமாக இருந்தனர். கடந்த ஆண்டு கோதுமை எங்களுக்கு அனுப்பி சோவியத் உதவியதற்கு மிக்க நன்றி என தெரிவித்தார். அப்போது ஸ்டாலின்  எங்கள் கடமையை செய்தோம் என்றார். பலநாடுகளுக்கு அந்த கடமை தெரியாமல் இருந்ததைப்பற்றி தூதர் குறிப்பிட்டார்.

சோவியத்தின் சாதனைகள் குறித்து இந்தியர்கள் அறிந்துகொண்டு வருகின்றனர். பல சோவியத் பிரதிநிதிகள் வந்து போயுள்ளனர். எங்கள் நாடு பல நெருக்கடிகளை சந்தித்து போய்க்கொண்டிருக்கிறது. இன்னும் சுரண்டல் நிலவுகிறது. அந்நிய மேலாதிக்கம் இன்னும் இருக்கிறது. மன்னர் ஆட்சி பிரச்னையுள்ளது. நிலப்பிரபுக்கள் பிரச்னையை சமாளிப்போம் என நம்புகிறோம் என்றார் தூதர் இராதாகிருஷ்ணன்.

நீங்கள் வெற்றியடைந்தால் மிகவும் நல்லது என்றார் ஸ்டாலின்.

இராதாகிருஷ்ணன் இந்தியாவில் நடந்த தேர்தல்பற்றி கூறினார். வரலாற்றில் முதல் முறையாக 175 மில்லியன் மக்கள் வாக்குரிமை பெற்றனர். 105 மில்லியன் வாக்களித்துள்ளனர். ஸ்டாலின் பெண்கள் வாக்களிக்கவில்லையா என்ற சந்தேகத்தை தெரிவித்தார். இங்கு அந்த பதிவு சொல்வதை அப்படியே ஆங்கிலத்தில் தந்துள்ளேன்.

The Ambassador corrected the Generalissimo by stressing that not only did women actually vote in elections, but the women voters had, if anything, shown a more progressive spirit. Dr Radhakrishnan pointed out that we had a lady governor, cabinet minister and his own predecessor in Moscow, the Generalissimo would doubtless recall, had been a lady. The elections, Dr Radhakrishnan said, had been free and fair. There was no official interference of any sort, and many ministers were defeated."

இங்கு ஸ்டாலினுக்கு இருந்த தவறான எண்ணத்தை டாக்டர் இராதாகிருஷ்ணன் சரி செய்ததைக் காணலாம். பெண்கள் வாக்களித்தது மட்டுமின்றி அவர்கள் கவர்னர், அமைச்சர் என்கிற பதவிகளில் இருப்பதையும் சொல்கிறார். தனக்கு முன்னர் சோவியத் தூதராக இருந்தவரே பெண் என்பதையும் நினைவூட்டுகிறார். அவர் வேறு யாருமல்ல, நேருவின் சகோதரி விஜயலஷ்மி பண்டிட்தான். ஸ்டாலின் அவரை சந்திக்கவில்லை என்பது வேறு செய்தி.

இந்தியாவும் முதலாளித்துவ சுரண்டலுக்கு எதிராகவே இருக்கிறது. ஆனால் அமைதி வழியில் பாராளுமன்ற வழிகளில் அதை செய்ய விரும்புகிறோம் என்றார் இராதகிருஷ்ணன்.

ஸ்டாலின் இதற்கு அளித்த பதிலை அந்த ஆவணம் இப்படி சொல்கிறது.

To this Generalissimo said: But the exploiters will never quit- they will seriously object to quitting.

இதற்கு இராதாகிருஷ்ணன் நாங்கள் எங்கள் வழியில் கடுமையாக முயற்சிப்போம். அதில் வெற்றிபெற்றால் பிற நாடுகளுக்கு அது நல்ல பாடமாக அமையும் என்றார்.

வெளியுறவு கொள்கை என்ற வகையில் பெரும் அதிகார நாடுகளுடன் நாங்கள் நிற்கவில்லை. அமெரிக்காவுடன் இல்லை. எது சரியென நினைக்கிறோமோ அதை செய்ய விழைகிறோம் என்றார் தூதர்.

ஸ்டாலின் ஒருமுறை வெளிப்படுத்திய கருத்தை சொல்லி அதில் இன்னும் ஸ்டாலின் உறுதியாக இருக்கிறாரா என இராகிருஷ்ணன் கேட்டார். அதாவது முதலாளித்துவம் தன் உற்பத்தி முறைகளில் இலாபம் மட்டுமே என கொள்ளாவிட்டால் மக்கள் வாழ்க்கை அங்கு முன்னேறலாம். ஆனால் அது தொடர்ந்து முதலாளித்துவமாக இருக்காது என ஸ்டாலின் தன் கருத்தை வெளிப்படுத்தியிருந்தார்.

 ஸ்டாலின் இதற்கு பதிலாக அப்படி ஒருமுறை சொன்னேன். ஆனால் இலாபம் இல்லாமல் முதலாளித்துவம் இருக்காதே. இலாபம் இல்லாமல் பாவம் முதலாளிகள் எப்படி இருப்பர். இலாபத்தை இழப்பார்கள் என்றால் அவர்கள் தங்களையே இழக்கிறார்கள் எனப்பொருள் என்றார் ஸ்டாலின்.

கோமிண்டர்னை விட்டதுபோல் சோவியத் கோமின்பர்ம் என்பதையும்  விட்டுவிடுமென்றால் அது மிகப்பெரிய செயலை செய்வதாக இருக்கும் என்றார் இராதாகிருஷ்ணன்.

சோவியத் மட்டுமே கோமின்பார்ம் உருவாக்கவில்லை. பலநாடுகள் அதில் ஈடுபட்டன என்றார் ஸ்டாலின். அதுமட்டுமல்ல, இரு முறைகள் அதாவது முதலாளித்துவம், சோசலிசம் இருப்பதற்கு அது அவ்வளவு அவசியமான ஒன்றல்ல எனவும் கூறினார்.

அய்நா கமிஷன் குறித்த கேள்விக்கு நான்கு நாடுகள் தான் அதிகாரம் கொண்டவையாக இருக்கின்றன என ஸ்டாலின் சொன்னார். கொரியா குறித்த கேள்விக்கு நியூட்ரல் கமிஷன் என்பதை தான் இன்னும் நிராகரிக்கவில்லை என்றார்.

அடுத்து இந்திய அரசாங்கம் , நேரு குறித்து சோவியத் பிரதிநிதி போர்சென்கோ எழுதியது பற்றி விவாதம் சென்றது. அருகில் இருந்த வைஷின்ஸ்கியிடம் என்ன குற்றசாட்டு என ஸ்டாலின் கேட்டார். நேருவும் இது குறித்து வருத்தத்தைச் சொன்னார் என வைஷின்ஸ்கி தெரிவித்தார். பிறகு அவரை திரும்ப அழைத்துவிடுங்கள் என்றார் ஸ்டாலின். இராதாகிருஷ்ணனிடம் அவர் கண்டிப்பாக அகற்றப்படுவார் என்றார் ஸ்டாலின். இராதாகிருஷ்ணனிடம் சரியில்லை- பிடிக்கவில்லை என்றால் வெளிப்படையாக சொல்லுங்கள், நடவடிக்கை எடுப்போம் என்றார்.

 சோவியத்துடன் நாங்கள் கட்டவிரும்பும் தோழமையை இந்த மாதிரி பிரதிநிதிகள் கெடுத்துவிடக்கூடாதென்றார் இராதாகிருஷ்ணன். அப்படி இருக்கிறார்களா என ஸ்டாலின் வினா எழுப்பினார். போர்சென்கோ மற்றும் மாஸ்கோ வானொலியில் இருக்கிறார்கள் என்றார் இராதாகிருஷ்ணன். வைஷின்ஸ்கி அவரை உடன் திரும்ப அழையுங்கள் என மறுபடியும் ஸ்டாலின் சொன்னார்.

 மேலும் ஜெனரலிசமோ ஸ்டாலின் தொடர்ந்து பேசினார். அமெரிக்கா பிரிட்டிஷ்காரர்கள் போல் அல்ல நாங்கள். ஆசியர்களை சமமாக பாவிக்கிறோம். அதன் அடிப்படையிலேயே எங்கள் கொள்கைகளை அமைக்கிறோம். நீங்களும், நேருவும் எங்களுக்கு எதிரிகள் என நாங்கள் கருதவில்லை. இந்த கருத்துக்களை ஜெனரலிசமோ மிக நிறுத்தி நிதானமாக  சொன்னார்.

இருவரும் வாழ்த்துக்களை பரிமாறிக்கொண்டனர். நாடு திரும்புவதற்கான நல்வாழ்த்துகளை ஸ்டாலின் தெரிவித்தபின் சந்திப்பு முடிந்தது.

 

ஆதாரம்: டிஜிட்டல் ஆர்கைவ் வில்சன் செண்டர்..ஆவணம்  119265

 

16-10-2022

 

Comments

Popular posts from this blog

பாபாசாகேப் அம்பேத்கர் அன்றாட வாழ்க்கை துளிகள்

         பாபாசாகேப் அம்பேத்கர் அன்றாட வாழ்க்கை துளிகள்           (உதவியாளர்களின் பதிவில் டாக்டர் அம்பேத்கர்)                                 -ஆர்.பட்டாபிராமன் பாபா சாகேப் தான் மணமுடிக்க இருந்த டாக்டர் சாரதா கபீருக்கு ஒரு முறை எழுதிய கடிதத்தில் ”எனது கடந்த காலத்தை குறித்து ஏதும் அக்கரையற்று இருக்கிறாய். மராத்தி பத்திரிகைகளில் அவை விரவி கிடக்கின்றன “ என குறிப்பிட்டிருந்தார். அவருடைய அன்றாட வாழ்க்கை குறித்த செய்திகள் மிகக்குறைவாகவே வெளிக்கொணரப்பட்டுள்ளன. அவருடன் நெருங்கி இருந்தவர்களின் செய்திகளாகவும், பதிவுகளாகவும் அவை கிடைக்கின்றன. அவரது பேச்சும் எழுத்தும் தொகுதிகளுக்கு ஏற்பட்ட கவனம் அவரின் ஆளுமை உருவாக்கம் என்பதில் காணப்படவில்லை. பாபா சாகேப் வீட்டிற்கு சென்று துணை நின்ற நெருங்கிய உதவியாளர்களாக நானக் சந்த் ரட்டு, தேவி தயாள், சங்கரானந்த் சாஸ்திரி, பகவான்தாஸ், நாம்தியோ நிம்கடே ஆகியோரை குறிப்பிடலாம்.   அவர்களைப் போன்ற நெருங்கி நின்றவர்களில் பலரின் பதிவிலிருந்து சில முக்கிய அம்சங்கள் இக்கட்டுரையில் இடம்பெற்றுள்ளன. பாபாசாகேப் வைஸ்ராய் கவுன்சிலில் தொழிலாளர் அமைச்சராக இருந்தபோத

German Ideology ஜெர்மன் சித்தாந்தம்

German Ideology   ஜெர்மன் சித்தாந்தம்   மார்க்ஸ் - எங்கெல்ஸ்                               குறிப்பு சிதறல்கள் -     ஆர். பட்டாபிராமன் German Ideology என்கிற ஜெர்மன் சித்தாந்தம் மார்க்ஸ் - எங்கெல்ஸால் 1846 ல் எழுதப்பட்ட முக்கிய பிரதி . அதன் கையெழுத்துப்பிரதி அச்சேற்றப்படாமல் 80 ஆண்டுகளுக்கு மேலாக கிடந்தது . 1932 ல் டேவிட் ரியாஸ்னாவ் அதை வெளிக்கொணர்ந்தார் . மாஸ்கோ முன்னேற்றப் பதிப்பகம் சார்பில் மார்க்ஸ் எங்கெல்ஸ் தேர்வு நூல்கள் 12   1983 பதிப்பாக வந்தபோது ஜெர்மன் சித்தாந்தம் நூல்தொகை 1 ல்   சேர்க்க்ப்பட்டு வெளியானது . தமிழ் பதிப்பில் 1924 ல் ருஷ்யன் மொழியில் மொழிமாற்றம் செய்யப்பட்டு வெளியானதாக தெரிவிக்கப்பட்டுள்ளது .   இளம் ஹெகலியருடன் விவாதமான பிரதி . பாயர்பாக் ஆய்வுரைகள் கோட்டோவியத்தில் வரலாறு குறித்த கோட்பாட்டாக்கத்தை பிரதியில் காணமுடியும் . ஆங்காங்கே அதன் ஆங்கில வடிவத்தையும் கொடுத்திருக்கிறேன் .   ஜெர்மன் சித்தாந்தம் எனுன் மார்க்ஸ் எங்கெல்சின் புகழ் வாய்ந்த பிரதியை வாசிக்க முடியாதவர்களுக்கு இக்குறிப்பு சிறு  

Kindle New Book

ஹெகல் மார்க்ஸ் எங்கெல்ஸ் ஐந்து கட்டுரைகள்                                                                                   முன்னுரை மார்க்ஸ் மாபெரும் மாமேதை என்கிற சித்திரம் பொதுப்புத்தியிலேயே இன்று ஏற்கப்படுகிற ஒன்று .  அவரின் வளர்ச்சி , மகிழ்ச்சி , துன்பம் , போராட்டங்கள் , குடும்பத்தார்கள் - உறவுகளை பேணுதல் , அவரின் attitude, பெருமை - குறைகள் குறித்து ஆங்கிலம் மற்றும் பிற மொழிகளில் ஏராள ஆய்வு புத்தகங்கள் வெளிவந்துள்ளன. இனியும் வரலாம். அதில் காணப்படும் பல செய்திகள் தமிழ் வாசகர்களை சென்றடையவில்லை. மார்க்ஸ்- எங்கெல்ஸ் அவர்கள் கால சூழ்நிலையில் படித்த இளைஞர்களாக, சமுக அவலங்களை எதிர்த்து நியாயம் கேட்கும் ஆவேச போராளிகளாக, வருங்கால சமூகம் சோசலிச சமூகமாக கட்டமைக்கப்படவேண்டும் என அவர்களுக்கு முன்பு பேசிய பலரின் கருத்தாக்கத்தை வளப்படுத்தி அதற்கான நடைமுறை திட்டம் ஒன்றை அளிக்கும்வரை எப்படியெல்லாம் வாழ்ந்தார்கள்- அவர்கள் மறையும்போது இருந்த சூழல் என்ன என்பதை இக்கட்டுரைகள் ஓரளவிற்காவது பேசும் என நம்புகிறேன். மார்க்சை தெய்வநிலைக்கு உயர்த்தும் மனோபாவம் கொண்டவர்களுக்கு